Sur da nus
La fundaziun da producents da phono vegn alimentà or da las pretensiuns d’indemnisaziun tenor ils dretgs d’autur (guarda www.swissperform.ch). Diesch pertschient da questas pretensiuns d’indemnisaziun determinà tenor lescha vegnan manà natiers dals producents da portatuns svizzers (commembers da la IFPI, ASMP e producents independents) per la promoziun da la cultura.
Intent da la fundaziun
L’ intent da la fundaziun è la promoziun da la cultura entaifer la producziun musicala svizra. La fundaziun po promover occurrenzas culturalas, concurrenzas, viadis, producziuns che han in connex persistent cun la vita culturala svizra, projects culturals d’instituziuns, scolaziuns e furmaziuns supplementaras en il sectur da producziuns da portatuns e da l’utilisaziun da portatuns da tut gener, mesiras da promoziun da la cultura en general, sco p.ex. l’investigaziun / la creaziun da paradas da hits ed il cumbat cunter fenomens d’abus (pirataria). La fundaziun po promover directamain ed indirectamain la cultura e l’economia culturala.
La fundaziun po sustegnair e promover a basa da dumondas, ma er or d’atgna iniziativa. En spezial po ella sviluppar e sustegnair agens projects. Ina part dals daners che la fundaziun retschaiva mintg’onn duai tenor pussaivladad vegnir duvrada per projects che vegnan promovids ensemen cun autras fundaziuns culturalas da l’uniun Swissperform.
La fundaziun ha in caracter d’utilitad publica e n’ha nagins intents da gudogn.
Organisaziun
Martin Schiess, president
Annelies Hophan, vicepresidenta
Stefania Lorenzetto, commember
Marco Zanotta, commember
post da revisiun tenor dretg da fundaziun
KBT Revisions AG, 6340 Baar
Surveglianza uffiziala
Confederaziun svizra, EDI
Champ da promoziun
La “Fundaziun producents da fonograms ” sustegna unicamain projects che favuriseschan la valur da producziuns da portatuns e l’utilisaziun da portatuns en la vita culturala. Quai pon esser occurrenzas culturalas, concurrenzas, distincziuns, scolaziuns e furmaziuns supplementaras en ils secturs da la producziun e da l’utilisaziun da portatuns sco er mesiras generalas da promoziun da la cultura a favur da producziuns da portatuns.
La “Fundaziun producents da fonograms ” na paja per regla naginas contribuziuns directas per producziuns da portatuns u per singuls concerts.
Contact
„Stiftung Phonoproduzierende“
c/o Von Graffenried AG Recht
Zeughausgasse 18
3011 Bern
info@stiftungphonoproduzierende.ch
I na vegn betg infurmà per telefon.